ساعة سجود خميس العهد جمعية الشباب الكاثوليكى المصرى

ساعة سجود خميس العهد كنيسة السجود – أحمد حلمى 

   تقيم جميعة الشباب الكاثوليكى المصرى ساعة سجود خميس العهد ، حيث ان تبداء  بتأملات رائعة مثل .. دمه علينا وعلى اولادنا … الصوم سلاح ذو حدين … الكفر الحلو … عين لم ترى …. قامت قيامتك … وترانيم وتسبيح ساعة سجود, شكرت الله من خلالها على الخدمة و لنا كأبناءٍ لها ..

وأنتهت ساعة السجود بكلمة من الأب ماجد مؤنس يدعونا فيها إلى فرح وسلام لنا جميعا .

لنصلِّ بإيمان كي تستمر الكنيسة في رسالتها .ولنصلِّ من اجل ايماننا في صلاتنا لكي ينمو و يزداد .

بعض التأملات

قامت قيامتك

اسم غريب شوية بس الجملة ديه خلتنى افكر هو يعنى ايه قامت قيامتى ؟!!! و اصلا يعنى ايه قيامة ؟!!! هل هى مجرد سلسلة من العذابات اللى اكتملت بصلب و اهانة .. ثم موت و دفن … ثم قيامة … هي ديه القيامة ؟؟ … هى ديه القيامة اللى يسوع كان عاوزنا نشوفها و نعرفها … و نفهمها ؟؟؟ و لا القيامة هى قداس العيد و ستاير المذبح البيضا و المسيح قام بالحقيقة قام … و هللويا و لو هى كدة يبقى القيامة ديه للمسيح و بس و خلاص خلصت بس ازاى ؟ و كدة يبقى ايه معنى يوم القيامة اللى الكنيسة و الناس بتتكلم عليه ما هى خلصت ؟ فكرت كتير فى المعنى اللى يسوع عايزنى اشوفه و وصلت ان القيامة هى فرحة داخلية بس يا ترى هى ليه فرحة ؟ يمكن عشان هى اصل المحبة …. و يمكن عشان المسيح لما قام انتصر على الموت … معنى كدة ان القيامة هى ….. روح الانتصار !!! يبقى عشان كدة الله اختار انه يتجسد فيا و على شكلى لانه كان عايز يعرفنى انى انا كمان اقدر اعيش القيامة . و ان البشر كلهم يقدروا يعيشوا القيامة ؟ يعنى الناس اللى شافوا المسيح و قبلوا ان حياتهم تتغير هما كدة يبقوا عاشوا القيامة بس مش عارفة ليه حسيت ان المعنى كدة ناقص …. و لما فكرت اكتشفت ان!!!!! !!!زى ما القيامة الحقيقية للمسيح و مسيرة الخلاص اللى حصلت من 2014 سنة حصلت بالاشتراك مع العنصر البشرى …. يبقى كمان ممكن جدا ان مسيرة الخلاص تحصل تانى السنة ديه طالما ان العنصر البشرى موجود اللى هو انا ..      يعنى باختصار مسيرة الخلاص مش هتتم و لا هتكمل الا بى …. لما طبقت ده على حياتى اليومية اكتشفت انى اقدر اعيش القيامة كل يوم … اقدر اعيش القيامة لما احارب الامية و انشر العلم …. ديه قيامة على الجهل !!! لما بقف ضد الفساد و اواجه الظلم بجراة ديه قيامة…. و لما بساعد حد محتاج ديه كمان قيامة . لما بقبل اللى قدامى باختلافه معايا باحترام ديه قيامة . و كمان لما بواجه اى سلوك غلط و انشر قيمة انسانية ديه قيامة . عارفين… مش بس كدة … ده كمان لما بطور من نفسى و اشوف الامور بنظرة ايجابية و ابحث و اتعلم ديه فى حد ذاتها قيامة و لما بنشر السعادة و التفاؤل ديه قيامة على اليأس و الحزن عرفت ان قامت قيامتى هى حالة انا بعشها كل يوم بافعال بسيطة …. القيامة مش مجرد ذكرى ديه حياة بنعشها .الله كلل حبه لينا بقيامته و انتصاره على الشر و بيدعونا اننا نكلل حياتنا بمعنى القيامة الحياتية و بيقولك انا قامتى قيامتى و انتصرت على الموت و ده دورك ان قيامتك انت كمان تقوم.

تأمل الكفر الحلو

كلمة كانت مكتوبة فى رواية قواعد العشق الاربعون , فى الاول كنت فاهمها من خلال  تفسير الكتاب ليها … لكن لاقيت فيديو على الانترنت لراهبة غنت فى مسابقة الغناء الشهيرة the voice  عشان توصل موهبتها للعالم … بس كانت حاجة غريبة انها تكون راهبة و تطلع فى برنامج مواهب و تقف تغنى .. بس هى مكنتش عاوزة توصل موهبتها و بس … ديه كمان كانت بتوصل فكرة خلق كل واحد بموهبة و لازم يطلع موهبته … و لكن بما انها راهبة فكانت حاجة غريبة ان راهبة اختارت طريق الله و طريق الصلاة و ابتعدت عن الدنيا و تقف و تغنى … و علشان كدة فيه ناس كتير طلعوا و كفروها …بس هى كانت شايفة انها لما توصل صورة ربنا الحلوة ده يبقى كفر… فبالنسبة لها ده كان كفر حلو  … حاول تفكر زيها … و قدم للناس صورة ربنا الحلوة اللى فى خيالك و متخفش من كلام الناس … اصلهم كدة كدة هيكفروك طالما انت فكرك مش زيهم .. دول حتى كفروا يسوع لما قال انه ابن الله و لان الله محبة … مزعلش لما كذبوه و صلبوه و قالوا عليه كافر … كانزا معتقدين انه هيتولد غنى و هو اتولد فقير .. كفروه فشان بس مكنش بيفكر زيهم … و لو كانوا شايفين ان مسامحة الله و محبته رغم كل الاهانات و الصلب  و الموت .. يبقى كفر …. فهو بالنسبة لى الكفر الحلو … و لو كانوا شايفين ان لما اقول يسوع المسيح قام من الاموات يبقى كفر … فهو بالنسبة لى الكفر الحلو

” خذوا كلوا هذا هو جسدى ” 

” خذوا كلوا هذا هو جسدى ”  …. واحدة من الايات المحفوظة و  المرتبطة بخميس العهد و العشاء السرى 

الاية ديه استوقفتنى كتير قوى ….. و فكرت هل فيه انسان مستعد انه يضحى بكل ما

فيه و انه يقدم جسده ذبيحة او تقدمه عشان حد بيحبه ؟؟ّ!!!  … اى درجة من الحب تخلى انسان يقدم نفسه او

يضحى بكل ما يملك حتى نفسه …. عشان بيحب ؟؟!!!…..

 و فكرت اد ايه هى جملة عميقة جدا …. خذوا كلوا هذا هو جسدى

و مع التفكير توصلت  انى لو انا بتحد

مع الله فى المناولة و فى الشركة …. و اللى بيهم بصير انا كمان  مقدس زيه … ان جاز التعبير …. لانه هو اللى

ادانى القيمة ديه و هو اللى رفعنى للمكانة ديه ….

 فانا كمان بكون مدعو انى اقول لكل الناس اللى حواليا …. خذوا كلوا

هذا هو جسدى ….. انا كمان مدعو انى امشى فى الشارع و اقول للناس اللى معرفهمش

خذوا كلوا هذا هو جسدى …. انا كمان مدعو للتضحية و العطاء زى يسوع… اله …العطاء.

بعض صور ساعة السجود